hai mah ki aaftab kya hai
hai maah ki āftāb kyā hai
dekho to tah-e-naqāb kyā hai
maiñ ne tujhe tū ne mujh ko dekhā
ab mujh se tujhe hijāb kyā hai
aa.e ho to koī dam to baiTho
ai qibla ye iztirāb kyā hai
us bin hameñ jāgte hī guzrī
jaanā bhī na ye ki ḳhvāb kyā hai
mujh ko bhī gine vo āshiqoñ meñ
is baat kā so hisāb kyā hai
sīpāra-e-dil ko dekh us ne
pūchhā bhī na ye kitāb kyā hai
is mai-kada-e-jahāñ meñ yaaro
mujh sā bhī koī ḳharāb kyā hai
qismat meñ hamārī 'mus.hafī' haa.e
kyā jaane savāb azaab kyā hai
hai mah ki aaftab kya hai
dekho to tah-e-naqab kya hai
main ne tujhe tu ne mujh ko dekha
ab mujh se tujhe hijab kya hai
aae ho to koi dam to baiTho
ai qibla ye iztirab kya hai
us bin hamein jagte hi guzri
jaana bhi na ye ki KHwab kya hai
mujh ko bhi gine wo aashiqon mein
is baat ka so hisab kya hai
sipara-e-dil ko dekh us ne
puchha bhi na ye kitab kya hai
is mai-kada-e-jahan mein yaro
mujh sa bhi koi KHarab kya hai
qismat mein hamari 'mushafi' hae
kya jaane sawab azab kya hai
Source:
kulliyat-e-mas.hafii(awwal) (Pg. 435)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.