hai nigāhoñ meñ koh-e-tūr miyāñ
maiñ nahīñ huuñ ḳhudā se duur miyāñ
vo bhī taqrīr kar rahe haiñ jinheñ
bolne kā nahīñ shu.ūr miyāñ
le na Duube tirī ibādat ko
zohd-o-taqvā kā ye ġhurūr miyāñ
mere muñh meñ nahīñ zabāñ aisī
boltī jo hai jī-huzūr miyāñ
rah ke dillī meñ bhī ye lagtā hai
ab bhī dillī bahut hai duur miyāñ
ek maqtal thī mahfil-e-yārāñ
ham hī zulmat ko samjhe nuur miyāñ
ḳhuub haiñ sajda-reziyāñ terī
nafs par bhī to ho ubuur miyāñ
hai nigahon mein koh-e-tur miyan
main nahin hun KHuda se dur miyan
wo bhi taqrir kar rahe hain jinhen
bolne ka nahin shuur miyan
le na Dube teri ibaadat ko
zohd-o-taqwa ka ye ghurur miyan
mere munh mein nahin zaban aisi
bolti jo hai ji-huzur miyan
rah ke dilli mein bhi ye lagta hai
ab bhi dilli bahut hai dur miyan
ek maqtal thi mahfil-e-yaran
hum hi zulmat ko samjhe nur miyan
KHub hain sajda-reziyan teri
nafs par bhi to ho ubur miyan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
