hai yaad-e-yar se ek aag mushtail dil mein

hai yād-e-yār se ik aag mushta.il dil meñ

ajab hai ḳhuld-o-jahannam haiñ muttasil dil meñ

jo chupke chupke hameñ kuchh kahe vo ap sune

paḌe usī ko jo kosegā ham ko dil dil meñ

karoge ab bhī burā.ī mai-e-muġhāñ kī shaiḳh

na kahiye muñh se magar hoge to ḳhajil dil meñ

ga.e vo paanī to multān ab gino maujeñ

kahāñ vo josh ab ai ashk pā-ba-gul dil meñ

ulū ye ḳhuub huā aap tum chale aa.e

maiñ kahtā hī thā ki aaj un se jā ke mil dil meñ

pakaḌ jo kal liyā chuskī lagāte zāhid ko

batā.ūñ kyā ki huā kaisā munfa.il dil meñ

hai yaad-e-yar se ek aag mushtail dil mein

ajab hai KHuld-o-jahannam hain muttasil dil mein

jo chupke chupke hamein kuchh kahe wo ap sune

paDe usi ko jo kosega hum ko dil dil mein

karoge ab bhi burai mai-e-mughan ki shaiKH

na kahiye munh se magar hoge to KHajil dil mein

gae wo pani to multan ab gino maujen

kahan wo josh ab ai ashk pa-ba-gul dil mein

ulu ye KHub hua aap tum chale aae

main kahta hi tha ki aaj un se ja ke mil dil mein

pakaD jo kal liya chuski lagate zahid ko

bataun kya ki hua kaisa munfail dil mein