hain aise bad-hawas hujum-e-bala se hum

Arsh Malsiyani

hain aise bad-hawas hujum-e-bala se hum

Arsh Malsiyani

MORE BYArsh Malsiyani

    INTERESTING FACT

    1944

    haiñ aise bad-havās hujūm-e-balā se ham

    apnā samajh ke milte haiñ har āshnā se ham

    tūfān se ulajh ga.e le kar ḳhudā naam

    āḳhir najāt ga.e nāḳhudā se ham

    pahlā vo junūn-e-mohabbat nahīñ rahā

    kuchh kuchh sambhal ga.e haiñ tumhārī duā se ham

    yuuñ mutma.in se aa.e haiñ khā kar jigar pe choT

    jaise vahāñ ga.e the isī mudda.ā se ham

    aane do iltifāt meñ kuchh aur bhī kamī

    mānūs ho rahe haiñ tumhārī jafā se ham

    ḳhū-e-vafā milī dil-e-dard-āshnā milā

    kyā rah gayā hai aur jo māñgeñ ḳhudā se ham

    aadat ho ga.ī hai shikāyāt hameñ

    bezār to nahīñ haiñ tumhārī jafā se ham

    pā-e-talab bhī tez thā manzil bhī thī qarīb

    lekin najāt na sake rahnumā se ham

    duniyā se kuchh lagāo na uqbā aarzū

    tañg aa ga.e haiñ is dil-e-be-mudda.ā se ham

    hote nashāt-e-ishq se bhī faizyāb 'arsh'

    majbūr haiñ magar dil-e-ġham-āshnā se ham

    hain aise bad-hawas hujum-e-bala se hum

    apna samajh ke milte hain har aashna se hum

    tufan se ulajh gae le kar KHuda ka nam

    aaKHir najat pa hi gae naKHuda se hum

    pahla sa wo junun-e-mohabbat nahin raha

    kuchh kuchh sambhal gae hain tumhaari dua se hum

    yun mutmain se aae hain kha kar jigar pe choT

    jaise wahan gae the isi muddaa se hum

    aane do iltifat mein kuchh aur bhi kami

    manus ho rahe hain tumhaari jafa se hum

    KHu-e-wafa mili dil-e-dard-ashna mila

    kya rah gaya hai aur jo na mangen KHuda se hum

    aadat si ho gai hai shikayat ki hamein

    bezar to nahin hain tumhaari jafa se hum

    pa-e-talab bhi tez tha manzil bhi thi qarib

    lekin najat pa na sake rahnuma se hum

    duniya se kuchh lagao na uqba ki aarzu

    tang aa gae hain is dil-e-be-muddaa se hum

    hote nashat-e-ishq se bhi faizyab 'arsh'

    majbur hain magar dil-e-gham-ashna se hum

    Source
    • Book : Kulliyat-e-Arsh (Pg. 53)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY