haiñ des-bides ek guzar aur basar meñ
be-ās ko kab chain milā hai kisī ghar meñ
chup maiñ ne lagā.ī to huā us kā bhī charchā
jo bhed na khultā ho vo khul jaatā hai Dar meñ
sūraj kā ghamanD aur nahīñ taare ke barābar
aisī hī to bāteñ haiñ is andher-nagar meñ
vo Tal nahīñ saktī jo pahuñchne kī ghaḌī hai
chaltā rahe galiyoñ meñ ki baiThā rahe ghar meñ
huuk uTThī idhar jī meñ udhar kuuk uThī koyal
pūchhe koī to kaun idhar meñ na udhar meñ
ai 'ārzū' āñkhoñ hī meñ kaT jaate haiñ din-rāt
koī bhī ghaḌī chain kī hai āTh-pahr meñ
hain des-bides ek guzar aur basar mein
be-as ko kab chain mila hai kisi ghar mein
chup main ne lagai to hua us ka bhi charcha
jo bhed na khulta ho wo khul jata hai Dar mein
suraj ka ghamanD aur nahin tare ke barabar
aisi hi to baaten hain is andher-nagar mein
wo Tal nahin sakti jo pahunchne ki ghaDi hai
chalta rahe galiyon mein ki baiTha rahe ghar mein
huk uTThi idhar ji mein udhar kuk uThi koyal
puchhe koi to kaun idhar mein na udhar mein
ai 'arzu' aankhon hi mein kaT jate hain din-raat
koi bhi ghaDi chain ki hai aaTh-pahr mein
Source:
Rooh-e-Ghazal,Pachas Sala Intekhab (Pg. 45)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
