hum donon ek duje ke sath KHush nahin the

ham donoñ ek duuje ke saath ḳhush nahīñ the

az-jism saath rahte dil se kahīñ kahīñ the

ik aisā vaqt bhī thā vo hāl-e-dostī thā

ham ek dūsre ke goyā makāñ-makīñ the

ik zaḳhm se bhī us ne ham ko nahīñ navāzā

ham us ke āstāñ par barsoñ se ḳham-jabīñ the

apnī talāsh meñ ham bhaTke tamām 'ālam

ab ham jo mil ga.e haiñ lagtā hai ham yahīñ the

kyā ho ga.e ḳhudāyā vo shahr-e-dil-barāna

un dil-barāna shahroñ ke log kyā hasīñ the

hum donon ek duje ke sath KHush nahin the

az-jism sath rahte dil se kahin kahin the

ek aisa waqt bhi tha wo haal-e-dosti tha

hum ek dusre ke goya makan-makin the

ek zaKHm se bhi us ne hum ko nahin nawaza

hum us ke aastan par barson se KHam-jabin the

apni talash mein hum bhaTke tamam 'alam

ab hum jo mil gae hain lagta hai hum yahin the

kya ho gae KHudaya wo shahr-e-dil-barana

un dil-barana shahron ke log kya hasin the