hum ghair samajhte use aisa bhi nahin KHair

ham ġhair samajhte use aisā bhī nahīñ ḳhair

lekin vo kisī kā nahīñ apnā bhī nahīñ ḳhair

jo sochte rahte haiñ vo karnā nahīñ mumkin

karne ke irāde se to sochā bhī nahīñ ḳhair

shohrā hai ki rusvā.ī kī tasdīq hai vo shaḳhs

shohrat kā bharosa koī hotā bhī nahīñ ḳhair

kuchh ban ke dikhāne kī tamannā kā banā kyā

itnī sī tamannā meñ to bantā bhī nahīñ ḳhair

ham us ke liye apnī nazar meñ bure Thahreñ

achchhā hai vo achchhā bha.ī itnā bhī nahīñ ḳhair

kuchh saiñt ke rakhne kā hameñ shauq nahīñ thā

kuchh saiñt ke rakhne ke liye thā bhī nahīñ ḳhair

go ek aziyyat hai tirā rañg-e-taġhāful

ye rañg kisī aur pe sajtā bhī nahīñ ḳhair

us shaḳhs pe tanhā.ī to utregī balā kī

jo hai bhī nahīñ ḳhair hai lagtā bhī nahīñ ḳhair

sab ḳhair ho sab ḳhair ho ai majma-e-zāhir

ham bhiiḌ kā hissa nahīñ tanhā bhī nahīñ ḳhair

ye ḳhair faqat lafz nahīñ fahm-o-yaqīñ hai

jo ḳhair samajhtā nahīñ hotā bhī nahīñ ḳhair

hum ghair samajhte use aisa bhi nahin KHair

lekin wo kisi ka nahin apna bhi nahin KHair

jo sochte rahte hain wo karna nahin mumkin

karne ke irade se to socha bhi nahin KHair

shohra hai ki ruswai ki tasdiq hai wo shaKHs

shohrat ka bharosa koi hota bhi nahin KHair

kuchh ban ke dikhane ki tamanna ka bana kya

itni si tamanna mein to banta bhi nahin KHair

hum us ke liye apni nazar mein bure Thahren

achchha hai wo achchha bhai itna bhi nahin KHair

kuchh saint ke rakhne ka hamein shauq nahin tha

kuchh saint ke rakhne ke liye tha bhi nahin KHair

go ek aziyyat hai tera rang-e-taghaful

ye rang kisi aur pe sajta bhi nahin KHair

us shaKHs pe tanhai to utregi bala ki

jo hai bhi nahin KHair hai lagta bhi nahin KHair

sab KHair ho sab KHair ho ai majma-e-zahir

hum bhiD ka hissa nahin tanha bhi nahin KHair

ye KHair faqat lafz nahin fahm-o-yaqin hai

jo KHair samajhta nahin hota bhi nahin KHair