hum hain qafas hai aur KHayal aashiyan ke hain

ham haiñ qafas hai aur ḳhayāl āshiyāñ ke haiñ

saare ye gul khilā.e hue bāġhbāñ ke haiñ

har zarra kū-e-yār kā gardish-pasand hai

hai to zamīn-rang magar āsmāñ ke haiñ

gum-gashtgān-e-rāh-e-haqīqat kā haal kyā

ḳhud rahnumā vo ḳhizr-e-rah-e-lā-makāñ ke haiñ

manzil kī kuchh ḳhabar bhī hai kosoñ nikal ga.ī

ġhurbat-nasīb tere irāde kahāñ ke haiñ

'bismil' se kah do aaj 'ayāñ kar deñ rāz-e-dil

kyoñ zer-e-bār-e-minnat-e-zabt-e-fuġhāñ ke haiñ

hum hain qafas hai aur KHayal aashiyan ke hain

sare ye gul khilae hue baghban ke hain

har zarra ku-e-yar ka gardish-pasand hai

hai to zamin-rang magar aasman ke hain

gum-gashtgan-e-rah-e-haqiqat ka haal kya

KHud rahnuma wo KHizr-e-rah-e-la-makan ke hain

manzil ki kuchh KHabar bhi hai koson nikal gai

ghurbat-nasib tere irade kahan ke hain

'bismil' se kah do aaj 'ayan kar den raaz-e-dil

kyon zer-e-bar-e-minnat-e-zabt-e-fughan ke hain