humne apna aap uThae kitne jangal kaT diye

ham ne apnā aap uThā.e kitne jangal kaaT diye

vīrānī ke phal khaa.e aur raat ghanī ke giit sune

kaun musalsal Dhol uThā.e mujh meñ mātam kartā hai

koī udāsī raqs-kunāñ hai vahshat ke ghuñghrū pahne

sannāTe ke lams badan meñ sihran paidā karte haiñ

zehn meñ khulne lagte haiñ phir band-e-qabā āvāzoñ ke

ik sūraj ġham-ḳhvār kisī kā aur kisī kā shaidā.ī

har manzar meñ Duub gayā phir aisā Duubā hook uThe

bastī bastī ek tamāsha bikhrā hai chaurāhoñ par

jis ne jitnī aa.heñ pheñkīñ us ko utne daam mile

phir se mub.ham lafz uThā.e phir mātam mazmūn kiyā

āvāzoñ par patthar maare ġhair-zarūrī bain kiye

hum ne apna aap uThae kitne jangal kaT diye

virani ke phal khae aur raat ghani ke git sune

kaun musalsal Dhol uThae mujh mein matam karta hai

koi udasi raqs-kunan hai wahshat ke ghunghru pahne

sannaTe ke lams badan mein sihran paida karte hain

zehn mein khulne lagte hain phir band-e-qaba aawazon ke

ek suraj gham-KHwar kisi ka aur kisi ka shaidai

har manzar mein Dub gaya phir aisa Duba hook uThe

basti basti ek tamasha bikhra hai chaurahon par

jis ne jitni aahen phenkin us ko utne dam mile

phir se mubham lafz uThae phir matam mazmun kiya

aawazon par patthar mare ghair-zaruri bain kiye