aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum pe jaur-o-sitam ke kya mani

Sakhi Lakhnvi

hum pe jaur-o-sitam ke kya mani

Sakhi Lakhnvi

MORE BYSakhi Lakhnvi

    ham pe jaur-o-sitam ke kyā ma.anī

    tark-e-rahm-o-karam ke kyā ma.anī

    aish-o-ishrat se ġham ke kyā ma.anī

    farbahī hai diram ke kyā ma.anī

    raat furqat kis ko kahte haiñ

    roz-e-hijr-e-sanam ke kyā ma.anī

    gar nahīñ us sāġhar-e-mai-nāb

    kahiye phir jām-e-jam ke kyā ma.anī

    pūjnā but hai ye kyā mazmūn

    aur tavāf-e-haram ke kyā ma.anī

    kūcha-e-gul-ruḳhāñ ko kahte haiñ

    aur bāġh-e-iram ke kyā ma.anī

    yūñhī va.ada karo yaqīñ ho jaa.e

    kyuuñ qasam luuñ qasam ke kyā ma.anī

    mājrā chashm-e-nam samjhe

    lekin abr-o-karam ke kyā ma.anī

    bose va.ade se kam nahīñ manzūr

    dam na do ham ko dam ke kyā ma.anī

    ek do tiin chaar pāñch chhe saat

    yūñhī gin leñge kam ke kyā ma.anī

    ai 'saḳhī' yaar ne dikhā.ī kamar

    shab jo pūchhā adam ke kyā ma.anī

    hum pe jaur-o-sitam ke kya mani

    tark-e-rahm-o-karam ke kya mani

    aish-o-ishrat se gham ke kya mani

    farbahi hai diram ke kya mani

    raat furqat ki kis ko kahte hain

    roz-e-hijr-e-sanam ke kya mani

    gar nahin us ka saghar-e-mai-nab

    kahiye phir jam-e-jam ke kya mani

    pujna but ka hai ye kya mazmun

    aur tawaf-e-haram ke kya mani

    kucha-e-gul-ruKHan ko kahte hain

    aur bagh-e-iram ke kya mani

    yunhi wada karo yaqin ho jae

    kyun qasam lun qasam ke kya mani

    majra chashm-e-nam ka tu samjhe

    lekin abr-o-karam ke kya mani

    bose wade se kam nahin manzur

    dam na do hum ko dam ke kya mani

    ek do tin chaar panch chhe sat

    yunhi gin lenge kam ke kya mani

    ai 'saKHi' yar ne dikhai kamar

    shab jo puchha adam ke kya mani

    Source:

    Deewan-e-Sakhi(Naghma-e-Hazar) (Pg. ebook-149 page-142)

    • Author: Sakhi Lakhnvi
      • Edition: 1882
      • Publisher: Daruttaba Bandobast, Hyderabad
      • Year of Publication: 1882
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now