hum to rote hain rona KHwahish ka

ham to rote haiñ ronā ḳhvāhish kā

vo maza le rahe haiñ bārish kā

sab muqaddar se mil rahā hai yahāñ

zor chaltā rahegā koshish kā

varna duniyā meñ ham nahīñ aate

khel saarā hai āzmā.ish kā

sab parastār us ke ho jaao

Dhang aa jā.egā parastish kā

tujh ko pā kar zamīn raqs meñ hai

khul gayā raaz saarā gardish kā

dil meñ rakhte haiñ yaar kī tasvīr

shauq ham ko nahīñ numā.ish kā

us kī gardan meñ vo harārat hai

lutf miltā hai qurb-e-ātish kā

rail-gāḌī ke intizār meñ huuñ

mil chukā hai pata rihā.ish kā

mujh ko urdu pasand hai kah kar

dil dukhāyā hai us ne english kā

hum to rote hain rona KHwahish ka

wo maza le rahe hain barish ka

sab muqaddar se mil raha hai yahan

zor chalta rahega koshish ka

warna duniya mein hum nahin aate

khel sara hai aazmaish ka

sab parastar us ke ho jao

Dhang aa jaega parastish ka

tujh ko pa kar zamin raqs mein hai

khul gaya raaz sara gardish ka

dil mein rakhte hain yar ki taswir

shauq hum ko nahin numaish ka

us ki gardan mein wo hararat hai

lutf milta hai qurb-e-atish ka

rail-gaDi ke intizar mein hun

mil chuka hai pata rihaish ka

mujh ko urdu pasand hai kah kar

dil dukhaya hai us ne english ka