hum tum jab bhi pyar karenge jaan-o-dil sadqe honge

ham tum jab bhī pyaar kareñge jān-o-dil sadqe hoñge

rūhoñ kī ḳhushbū meñ hoñgī bāhoñ ke gajre hoñge

peshravo tum biit chuke ab ham logoñ kī baarī hai

zindānoñ ke dar to vā hoñ ham aage aage hoñge

gumnāmī kī galiyoñ meñ tārīḳh kahāñ tak pahuñchegī

ek tumhī suqrāt nahīñ ho aur bahut guzre hoñge

husn agar zanjīr kiyā hai ishq bhī phir zanjīr karo

varna baat bahut phailegī duur talak charche hoñge

ai chakvāl se aane vaalo kuchh to hāl-ahvāl kaho

phuul se aariz chāñd se chehre tum ne bhī dekhe hoñge

hum tum jab bhi pyar karenge jaan-o-dil sadqe honge

ruhon ki KHushbu mein hongi bahon ke gajre honge

peshrawo tum bit chuke ab hum logon ki bari hai

zindanon ke dar to wa hon hum aage aage honge

gumnami ki galiyon mein tariKH kahan tak pahunchegi

ek tumhi suqraat nahin ho aur bahut guzre honge

husn agar zanjir kiya hai ishq bhi phir zanjir karo

warna baat bahut phailegi dur talak charche honge

ai chakwal se aane walo kuchh to haal-ahwal kaho

phul se aariz chand se chehre tum ne bhi dekhe honge