hum uske shahr se kuchh wardat karte gae

ham us ke shahr se kuchh vārdāt karte ga.e

jo baat zarf-e-adab thī vo baat karte ga.e

ik hādse meñ kisī ne gale lagāyā thā

isī ḳhayāl meñ ham hādsāt karte ga.e

maiñ jis kī raah se sab mushkileñ haTātā thā

vo merī raah meñ sab mushkilāt karte ga.e

jo ham ko raah ke patthar batāyā karte the

ham un ke naam pe ik kā.ināt karte ga.e

kisī ne ham se kahā dil sañbhāliye apnā

ye dil sañbhal na sakā ehtiyāt karte ga.e

hum us ke shahr se kuchh wardat karte gae

jo baat zarf-e-adab thi wo baat karte gae

ek hadse mein kisi ne gale lagaya tha

isi KHayal mein hum hadsat karte gae

main jis ki rah se sab mushkilen haTata tha

wo meri rah mein sab mushkilat karte gae

jo hum ko rah ke patthar bataya karte the

hum un ke nam pe ek kainat karte gae

kisi ne hum se kaha dil sanbhaaliye apna

ye dil sanbhal na saka ehtiyat karte gae