aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hamare hath mein kab saghar-e-sharab nahin

Akhtar Shirani

hamare hath mein kab saghar-e-sharab nahin

Akhtar Shirani

MORE BYAkhtar Shirani

    hamāre haath meñ kab sāġhar-e-sharāb nahīñ

    hamāre qadmoñ pe kis roz māhtāb nahīñ

    jahāñ meñ ab koī sūrat pa.e-savāb nahīñ

    vo mai-kade nahīñ saaqī nahīñ sharāb nahīñ

    shab-e-bahār meñ zulfoñ se khelne vaale

    tire baġhair mujhe ārzū-e-ḳhvāb nahīñ

    chaman meñ bulbuleñ aur anjuman meñ parvāne

    jahāñ meñ kaun ġham-e-ishq se ḳharāb nahīñ

    ġham, aah ishq ke ġham koī nahīñ mausam

    bahār ho ki ḳhizāñ kab ye iztirāb nahīñ

    umīd-e-pursish-e-ahvāl ho to kyūñkar ho

    salām bhī tirī bazm meñ javāb nahīñ

    vatan chheḌ diyā kis ne tazkira 'aḳhtar'

    ki chashm-e-shauq ko phir ārzū-e-ḳhvāb nahīñ

    hamare hath mein kab saghar-e-sharab nahin

    hamare qadmon pe kis roz mahtab nahin

    jahan mein ab koi surat pae-sawab nahin

    wo mai-kade nahin saqi nahin sharab nahin

    shab-e-bahaar mein zulfon se khelne wale

    tere baghair mujhe aarzu-e-KHwab nahin

    chaman mein bulbulen aur anjuman mein parwane

    jahan mein kaun gham-e-ishq se KHarab nahin

    gham, aah ishq ke gham ka koi nahin mausam

    bahaar ho ki KHizan kab ye iztirab nahin

    umid-e-pursish-e-ahwal ho to kyunkar ho

    salam ka bhi teri bazm mein jawab nahin

    watan ka chheD diya kis ne tazkira 'aKHtar'

    ki chashm-e-shauq ko phir aarzu-e-KHwab nahin

    Source:

    Rooh-e-Ghazal,Pachas Sala Intekhab (Pg. 50)

      • Edition: 1993
      • Publisher: Anjuman-e-Rooh-e-Adab, Allahabad
      • Year of Publication: 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now