hamare zehn pe tari hai bebasi ab tak

hamāre zehn pe taarī hai bebasī ab tak

ki puurī ho nahīñ paa.ī tirī kamī ab tak

tumhāre ba.ad mire zaḳhm bharnā duur kī baat

tumhāre ba.ad udāsī nahīñ ga.ī ab tak

bahut purānā ta.alluq ye un parindoñ se

magar maiñ samjhī nahīñ un kī dostī ab tak

kisī ke saath ne jiine kā hausla baḳhshā

isī liye maiñ na kar paa.ī ḳhud-kushī ab tak

tumhāre ba.ad kahīñ aur dil lagānā thā

tumhāre ba.ad ye mohlat nahīñ milī ab tak

tumhāre ba.ad ujāle se ho ga.ī thī chiḌh

hamārī aañkh ko rotī hai raushnī ab tak

ham aise log jo andar se mar chuke kab ke

hamārī laash hī dhartī pe hai dharī ab tak

hamare zehn pe tari hai bebasi ab tak

ki puri ho nahin pai teri kami ab tak

tumhaare baad mere zaKHm bharna dur ki baat

tumhaare baad udasi nahin gai ab tak

bahut purana talluq ye un parindon se

magar main samjhi nahin un ki dosti ab tak

kisi ke sath ne jine ka hausla baKHsha

isi liye main na kar pai KHud-kushi ab tak

tumhaare baad kahin aur dil lagana tha

tumhaare baad ye mohlat nahin mili ab tak

tumhaare baad ujale se ho gai thi chiDh

hamari aankh ko roti hai raushni ab tak

hum aise log jo andar se mar chuke kab ke

hamari lash hi dharti pe hai dhari ab tak