aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hamari ghazlon hamare sheron se tumko ye aagahi milegi

Shaad Aarfi

hamari ghazlon hamare sheron se tumko ye aagahi milegi

Shaad Aarfi

MORE BYShaad Aarfi

    hamārī ġhazloñ hamāre sheroñ se tum ko ye āgahī milegī

    kahāñ kahāñ kārvāñ luTe haiñ kahāñ kahāñ raushnī milegī

    jahāñ mileñge butoñ ke hoñToñ pe yuuñ to gahrī hañsī milegī

    magar ba-bātin ḳhulūs o shā.istagī meñ vāzeh kamī milegī

    usī samay ham ne un ko Tokā thā bāġhbāñ jab ye kah rahe the

    bahār aate uThegā chaman na.ī zindagī milegī

    sambhal sambhal kar qadam baḌhāte haiñ is tarah maslahat ke pairav

    ki jaise sikke tarah raste meñ kāmyābī paḌī milegī

    hameñ satā kar jo haiñ pashemān dil meñ shāyad vo bach bhī jaa.eñ

    hameñ satā kar jo mutma.in haiñ unheñ sazā lāzmī milegī

    bhare hue sāġhar o subū meñ sharāb bhar pā.egā na saaqī

    to phir ġharīqān-e-aish-o-ishrat ko ḳhaak āsūdgī milegī

    nahīñ hai insāniyat ke baare meñ aaj bhī zehn saaf jin

    vo kah rahe haiñ ki jis se nekī karoge us se badī milegī

    ġham-e-mohabbat ke ba.ad aatī hai sarhad-e-iltifāt-e-jānāñ

    sharāb talḳhiyāñ sahoge to lazzat-e-be-ḳhudī milegī

    ye bad-gumānān-e-anjuman 'shād' kis liye jaan kho rahe haiñ

    naqāb uThāne ke ba.ad bhī us nigāh meñ barhamī milegī

    hamari ghazlon hamare sheron se tum ko ye aagahi milegi

    kahan kahan karwan luTe hain kahan kahan raushni milegi

    jahan milenge buton ke honTon pe yun to gahri hansi milegi

    magar ba-baatin KHulus o shaistagi mein wazeh kami milegi

    usi samay hum ne un ko Toka tha baghban jab ye kah rahe the

    bahaar aate hi ji uThega chaman nai zindagi milegi

    sambhal sambhal kar qadam baDhate hain is tarah maslahat ke pairaw

    ki jaise sikke ki tarah raste mein kaamyabi paDi milegi

    hamein sata kar jo hain pasheman dil mein shayad wo bach bhi jaen

    hamein sata kar jo mutmain hain unhen saza lazmi milegi

    bhare hue saghar o subu mein sharab bhar paega na saqi

    to phir ghariqan-e-aish-o-ishrat ko KHak aasudgi milegi

    nahin hai insaniyat ke bare mein aaj bhi zehn saf jin ka

    wo kah rahe hain ki jis se neki karoge us se badi milegi

    gham-e-mohabbat ke baad aati hai sarhad-e-iltifat-e-jaanan

    sharab ki talKHiyan sahoge to lazzat-e-be-KHudi milegi

    ye bad-gumanan-e-anjuman 'shad' kis liye jaan kho rahe hain

    naqab uThane ke baad bhi us nigah mein barhami milegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now