hamari ruh jo teri gali mein aai hai
hamārī ruuh jo terī galī meñ aa.ī hai
ajal ke sadqe meñ ye raah dekh paa.ī hai
vahāñ pahuñch nahīñ saktīñ tumhārī zulfeñ bhī
hamāre dast-e-talab kī jahāñ rasā.ī hai
lahū mirā tirī talvār se milā aisā
ki nāgavār pas-e-zabah bhī judā.ī hai
na pūchhiye ki tū jaltā hai kyuuñ raqīboñ se
vahī ye aag hai jo aap ne lagā.ī hai
nisār-e-hazrat-e-āġhā-alī-'hasan'-ḳhāñ huuñ
ziyāda had se mirī aabrū baḌhā.ī hai
hamari ruh jo teri gali mein aai hai
ajal ke sadqe mein ye rah dekh pai hai
wahan pahunch nahin saktin tumhaari zulfen bhi
hamare dast-e-talab ki jahan rasai hai
lahu mera teri talwar se mila aisa
ki nagawar pas-e-zabah bhi judai hai
na puchhiye ki tu jalta hai kyun raqibon se
wahi ye aag hai jo aap ne lagai hai
nisar-e-hazrat-e-agha-ali-'hasan'-KHan hun
ziyaada had se meri aabru baDhai hai
Source:
Intekhab-e-Kalam Muneer Shikohabadi (Pg. 81)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
