ہمیں کیا جو گل کھلے ہیں یا کلی ہے مسکرائی

ہمیں کیا جو گل کھلے ہیں یا کلی ہے مسکرائی

تو نہیں ہے جان جاناں تو باہر کیوں ہے آئی

تو ہو ہم نشیں صنم جب لگے فرش عرش جیسا

وہ بہشت بھی ہے دوزخ جہاں تو نہ دے دکھائی

چنی کس بنا پہ تو نے ہمیں مفلسوں کی بستی

تجھے برق یہ سیاست بتا کس نے ہے سکھائی

تھا قصور میرے دل کا یا نصیب کی تھی سازش

مجھے جو بھی چیز بھائی کبھی راس وہ نہ آئی

تجھے کس طرح سے جلوہ دکھے اے صداؔ خدا کا

کہ ہے درمیان حائل ترا ذوق خود نمائی