hamesha ka ye manzar hai ki sahra jal raha hai
hamesha kā ye manzar hai ki sahrā jal rahā hai
par ab hairat to us par hai ki dariyā jal rahā hai
tumheñ fursat ho jiine se to apne paar dekho
pas-e-dīvār-e-ayyām ik zamāna jal rahā hai
zarā sī der ko shāne se apnā sar haTā le
tire ruḳhsār ke sho.aloñ se shāna jal rahā hai
safar karnā hai aglī sub.h aur garmī-e-pā se
mire bistar kā saarā pā.itāna jal rahā hai
pighal kar gir rahe haiñ mere sar par chāñd taare
sunā hai āsmāñ kā shāmiyāna jal rahā hai
hamesha ka ye manzar hai ki sahra jal raha hai
par ab hairat to us par hai ki dariya jal raha hai
tumhein fursat ho jine se to apne par dekho
pas-e-diwar-e-ayyam ek zamana jal raha hai
zara si der ko shane se apna sar haTa le
tere ruKHsar ke shoalon se shana jal raha hai
safar karna hai agli subh aur garmi-e-pa se
mere bistar ka sara paitana jal raha hai
pighal kar gir rahe hain mere sar par chand tare
suna hai aasman ka shamiyana jal raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
