حق کی ہے گر تلاش تو یہ مان کر چلو

حق کی ہے گر تلاش تو یہ مان کر چلو

اب تک پڑھا سنا ہے جو شاید سہی نہ ہو

وہ علم جس سے ذوق تجسس کی موت ہو

اس علم سے تو اچھا ہے لا علم ہی رہو

ہر بات ہے کتاب کی واعظ مجھے قبول

تصدیق اس کی بس ذرا دل سے مرے بھی ہو

مذہب تو شیخ ہم کو وراثت میں ہے ملا

تحقیق کر کے کتنوں نے خود ہے چنا کہو

جس پر کیا ہے ہم نے یقیں آنکھ موند کے

ممکن ہے راہ حق سے وہ خود آشنا نہ ہو

ہر شعر اے صداؔ ترا ہو تازگی بھرا

وہ بات کہہ جو پہلے کسی نے کہی نہ ہو