aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

haqiqaton ka jalal denge sadaqaton ka jamal denge

Kaleem Aajiz

haqiqaton ka jalal denge sadaqaton ka jamal denge

Kaleem Aajiz

MORE BYKaleem Aajiz

    haqīqatoñ jalāl deñge sadāqatoñ jamāl deñge

    tujhe bhī ham ai ġham-e-zamāna ġhazal ke sāñche meñ Dhaal deñge

    tapish patiñgoñ ko baḳhsh deñge lahū charāġhoñ meñ Dhaal deñge

    ham un mahfil meñ rah ga.e haiñ to un mahfil sambhāl deñge

    na banda-e-aql-o-hosh deñge na ahl-e-fikr-o-ḳhayāl deñge

    tumhārī zulfoñ ko jo darāzī tumhāre āshufta-hāl deñge

    ye aql vaale isī tarah se hameñ fareb-e-kamāl deñge

    junūñ ke dāman se phuul chun kar ḳhirad ke dāman meñ Daal deñge

    hamārī āshuftagī salāmat sulajh jā.egī zulf-e-daurāñ

    jo pech-o-ḳham rah gayā hai baaqī vo pech-o-ḳham bhī nikāl deñge

    janāb-e-shaiḳh apnī fikr kiije ki ab ye farmān-e-barhaman hai

    butoñ ko sajda nahīñ karoge to but-kade se nikāl deñge

    haqiqaton ka jalal denge sadaqaton ka jamal denge

    tujhe bhi hum ai gham-e-zamana ghazal ke sanche mein Dhaal denge

    tapish patingon ko baKHsh denge lahu charaghon mein Dhaal denge

    hum un ki mahfil mein rah gae hain to un ki mahfil sambhaal denge

    na banda-e-aql-o-hosh denge na ahl-e-fikr-o-KHayal denge

    tumhaari zulfon ko jo daraazi tumhaare aashufta-haal denge

    ye aql wale isi tarah se hamein fareb-e-kamal denge

    junun ke daman se phul chun kar KHirad ke daman mein Dal denge

    hamari aashuftagi salamat sulajh hi jaegi zulf-e-dauran

    jo pech-o-KHam rah gaya hai baqi wo pech-o-KHam bhi nikal denge

    janab-e-shaiKH apni fikr kije ki ab ye farman-e-barhaman hai

    buton ko sajda nahin karoge to but-kade se nikal denge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now