aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

har aan tumhaare chhupne se aisa hi agar dukh paenge hum

Nazeer Akbarabadi

har aan tumhaare chhupne se aisa hi agar dukh paenge hum

Nazeer Akbarabadi

MORE BYNazeer Akbarabadi

    har aan tumhāre chhupne se aisā agar dukh pā.eñge ham

    to haar ke ik din is bhī tadbīr koī Thahrā.eñge ham

    bezār kareñge ḳhātir ko pahle to tumhārī chāhat se

    phir dil ko bhī kuchh minnat se kuchh haibat se samjhā.eñge ham

    gar kahnā dil ne maan liyā aur ruk baiThā to bahattar hai

    aur chain na lene devegā to bhes badal kar ā.eñge ham

    avval to nahīñ pahchānoge aur loge bhī pahchān to phir

    har taur se chhup kar dekheñge aur dil ko ḳhush kar jā.eñge ham

    gar chhupnā bhī khul jāvegā to mil kar afsūñ-sāzoñ se

    kuchh aur laTkā sehr-bharā us vaqt baham pahuñchā.eñge ham

    jab vo bhī pesh na jāvegā aur shohrat hovegī phir to

    jis sūrat se ban āvegā tasvīr khiñchā mañgvā.eñge ham

    mauqūf karoge chhupne ko to behtar varna 'nazīr' aasā

    jo harf zabāñ par lā.eñge phir vo kar dikhlā.eñge ham

    har aan tumhaare chhupne se aisa hi agar dukh paenge hum

    to haar ke ek din is ki bhi tadbir koi Thahraenge hum

    bezar karenge KHatir ko pahle to tumhaari chahat se

    phir dil ko bhi kuchh minnat se kuchh haibat se samjhaenge hum

    gar kahna dil ne man liya aur ruk baiTha to bahattar hai

    aur chain na lene dewega to bhes badal kar aaenge hum

    awwal to nahin pahchanoge aur loge bhi pahchan to phir

    har taur se chhup kar dekhenge aur dil ko KHush kar jaenge hum

    gar chhupna bhi khul jawega to mil kar afsun-sazon se

    kuchh aur hi laTka sehr-bhara us waqt baham pahunchaenge hum

    jab wo bhi pesh na jawega aur shohrat howegi phir to

    jis surat se ban aawega taswir khincha mangwaenge hum

    mauquf karoge chhupne ko to behtar warna 'nazir' aasa

    jo harf zaban par laenge phir wo hi kar dikhlaenge hum

    Source:

    Deewan-e-Nazeer Akbarabadi (Pg. page-53 ebook-175)

      • Edition: 1942
      • Publisher: Anjuman Taraqqi Urdu (Hind), Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now