har bar hua hai jo wahi to nahin hoga
har baar huā hai jo vahī to nahīñ hogā
Dar jis kā satātā hai abhī to nahīñ hogā
duniyā ko chalo parkheñ na.e dost banā.eñ
har shaḳhs zamāne meñ vahī to nahīñ hogā
vo shaḳhs baḌā hai to ġhalat ho nahīñ saktā
duniyā ko bharosa ye abhī to nahīñ hogā
hai us kā ishāra bhī samajhne kī zarūrat
hogā to kabhī hogā abhī to nahīñ hogā
do-chār gaḌe murde ukhāḌeñge kisī roz
har baar nayā jhagḌā kabhī to nahīñ hogā
kuchh aur bhī ho saktā hai taqrīr kā matlab
jo aap ne samjhā hai vahī to nahīñ hogā
har baar zamāne kā sitam hogā mujhī par
haañ maiñ hī badal jā.ūñ kabhī to nahīñ hogā
har bar hua hai jo wahi to nahin hoga
Dar jis ka satata hai abhi to nahin hoga
duniya ko chalo parkhen nae dost banaen
har shaKHs zamane mein wahi to nahin hoga
wo shaKHs baDa hai to ghalat ho nahin sakta
duniya ko bharosa ye abhi to nahin hoga
hai us ka ishaara bhi samajhne ki zarurat
hoga to kabhi hoga abhi to nahin hoga
do-chaar gaDe murde ukhaDenge kisi roz
har bar naya jhagDa kabhi to nahin hoga
kuchh aur bhi ho sakta hai taqrir ka matlab
jo aap ne samjha hai wahi to nahin hoga
har bar zamane ka sitam hoga mujhi par
han main hi badal jaun kabhi to nahin hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
