har ek chiz hai fani faqat hayat nahin

har ek chiiz hai faanī faqat hayāt nahīñ

ba-juz ḳhudā ke kisī ko yahāñ sabāt nahīñ

hayāt naam hī tabdīliyoñ kā hai jānāñ

badal ga.e ho jo tum bhī to koī baat nahīñ

karam hai ye mire do ek ḳhaas yāroñ kā

tabāhiyoñ meñ mirī dushmanoñ kā haath nahīñ

ki jaise dil nahīñ siine meñ dukh dhaḌaktā hai

jahāñ bhī jā.ūñ alam se kahīñ najāt nahīñ

ġhazab kā silsila thamne hī meñ nahīñ aatā

zarā sā pyaar hī māñgā thā kā.enāt nahīñ

maiñ zaḳhm zaḳhm sahī hausla to qaa.em hai

shikasta-hāl to huuñ par ye merī maat nahīñ

chalī ga.ī ho jo tum bhī to kyā gila tum se

yahāñ to yuuñ hai ki maiñ ḳhud bhī apne saath nahīñ

sahar bhī ghar mire 'shahzād' tīrgī laa.ī

qusūr-vār mirī jaan sirf raat nahīñ

har ek chiz hai fani faqat hayat nahin

ba-juz KHuda ke kisi ko yahan sabaat nahin

hayat nam hi tabdiliyon ka hai jaanan

badal gae ho jo tum bhi to koi baat nahin

karam hai ye mere do ek KHas yaron ka

tabahiyon mein meri dushmanon ka hath nahin

ki jaise dil nahin sine mein dukh dhaDakta hai

jahan bhi jaun alam se kahin najat nahin

ghazab ka silsila thamne hi mein nahin aata

zara sa pyar hi manga tha kaenat nahin

main zaKHm zaKHm sahi hausla to qaem hai

shikasta-haal to hun par ye meri mat nahin

chali gai ho jo tum bhi to kya gila tum se

yahan to yun hai ki main KHud bhi apne sath nahin

sahar bhi ghar mere 'shahzad' tirgi lai

qusur-war meri jaan sirf raat nahin