har ek pal se KHabar-dar rahna chahti hun

har ek pal se ḳhabar-dār rahnā chāhtī huuñ

nasīb tujh se maiñ hushiyār rahnā chāhtī huuñ

dikhe udaas jo us ko mirā pata denā

udāsiyoñ se vafādār rahnā chāhtī huuñ

tujhe na chaah ke bhī itnā chāhtī huuñ maiñ

tire dukhoñ kī gunahgār rahnā chāhtī huuñ

kabhī jo bichhḌeñ na dekhūñ tujhe zarā muḌ kar

maiñ ishq meñ bhī samajhdār rahnā chāhtī huuñ

tū mubtalā thā kahīñ aur so ye kah na sakī

mire sanam maiñ tirā pyaar rahnā chāhtī huuñ

tū har kisī kī mohabbat hai jāntī huuñ magar

maiñ tere ishq kā me.aar rahnā chāhtī huuñ

har ek pal se KHabar-dar rahna chahti hun

nasib tujh se main hushiyar rahna chahti hun

dikhe udas jo us ko mera pata dena

udasiyon se wafadar rahna chahti hun

tujhe na chah ke bhi itna chahti hun main

tere dukhon ki gunahgar rahna chahti hun

kabhi jo bichhDen na dekhun tujhe zara muD kar

main ishq mein bhi samajhdar rahna chahti hun

tu mubtala tha kahin aur so ye kah na saki

mere sanam main tera pyar rahna chahti hun

tu har kisi ki mohabbat hai jaanti hun magar

main tere ishq ka mear rahna chahti hun