har ghaDi qayamat thi ye na puchh kab guzri

Zuhoor Nazar

har ghaDi qayamat thi ye na puchh kab guzri

Zuhoor Nazar

MORE BYZuhoor Nazar

    har ghaḌī qayāmat thī ye na pūchh kab guzrī

    bas yahī ġhanīmat hai tere baad shab guzrī

    kunj-e-ġham meñ ik gul bhī likh nahīñ sakā puurā

    is balā tezī se sarsar-e-tarab guzrī

    tere ġham ḳhushbū se jism o jaañ mahak uTThe

    saañs havā jab bhī chhū ke mere lab guzrī

    ek saath rah kar bhī duur rahe ham tum

    dhuup aur chhāñv dostī ajab guzrī

    jaane kyā huā ham ko ab ke fasl-e-gul meñ bhī

    barg-e-dil nahīñ larzā terī yaad jab guzrī

    be-qarār be-kal hai jaañ sukūñ ke sahrā meñ

    aaj tak na dekhī thī ye ghaḌī jo ab guzrī

    bād-e-tark-e-ulfat bhī yuuñ to ham jiye lekin

    vaqt be-tarah biitā umr be-sabab guzrī

    kis tarah tarāshoge tohmat-e-havas ham par

    zindagī hamārī to saarī be-talab guzrī

    har ghaDi qayamat thi ye na puchh kab guzri

    bas yahi ghanimat hai tere baad shab guzri

    kunj-e-gham mein ek gul bhi likh nahin saka pura

    is bala ki tezi se sarsar-e-tarab guzri

    tere gham ki KHushbu se jism o jaan mahak uTThe

    sans ki hawa jab bhi chhu ke mere lab guzri

    ek sath rah kar bhi dur hi rahe hum tum

    dhup aur chhanw ki dosti ajab guzri

    jaane kya hua hum ko ab ke fasl-e-gul mein bhi

    barg-e-dil nahin larza teri yaad jab guzri

    be-qarar be-kal hai jaan sukun ke sahra mein

    aaj tak na dekhi thi ye ghaDi jo ab guzri

    baad-e-tark-e-ulfat bhi yun to hum jiye lekin

    waqt be-tarah bita umr be-sabab guzri

    kis tarah tarashoge tohmat-e-hawas hum par

    zindagi hamari to sari be-talab guzri

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY