aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

har ek jannat ke raste ho ke dozaKH se nikalte hain

Aale Ahmad Suroor

har ek jannat ke raste ho ke dozaKH se nikalte hain

Aale Ahmad Suroor

MORE BYAale Ahmad Suroor

    har ik jannat ke raste ho ke dozaḳh se nikalte haiñ

    unheñ haq hai phūloñ par jo añgāroñ pe chalte haiñ

    haqā.eq un se Takrā kar na.e sāñchoñ meñ Dhalte haiñ

    baḌe saḳht-jāñ hote haiñ jo ḳhvāboñ pe palte haiñ

    gumāñ hotā hai jin maujoñ pe ik naqsh-e-hubābī

    unhī soī huī maujoñ meñ kuchh tūfān palte haiñ

    vo raat āḳhir huī to kyā ye din kab rahne vaalā hai

    sitāre maañd hote haiñ agar sūraj bhī Dhalte haiñ

    talavvun chashm-e-sāqī meñ taġhayyur vaz-rindī meñ

    hamāre mai-kade meñ roz paimāne badalte haiñ

    haqā.eq sard ho sakte haiñ sab mehrāb-o-mimbar ke

    magar vo ḳhvāb jo rindoñ ke paimāne meñ Dhalte haiñ

    junūñ ne ālam-e-vahshat meñ jo rāheñ nikālī haiñ

    ḳhirad ke kārvāñ āḳhir unhī rāhoñ pe chalte haiñ

    'surūr'-e-sāda ko yuuñ to lahū ronā aatā hai

    magar is sādgī meñ bhī baḌe pahlū nikalte haiñ

    har ek jannat ke raste ho ke dozaKH se nikalte hain

    unhen ka haq hai phulon par jo angaron pe chalte hain

    haqaeq un se Takra kar nae sanchon mein Dhalte hain

    baDe hi saKHt-jaan hote hain jo KHwabon pe palte hain

    guman hota hai jin maujon pe ek naqsh-e-hubabi ka

    unhi soi hui maujon mein kuchh tufan palte hain

    wo raat aaKHir hui to kya ye din kab rahne wala hai

    sitare mand hote hain agar suraj bhi Dhalte hain

    talawwun chashm-e-saqi mein taghayyur waz-rindi mein

    hamare mai-kade mein roz paimane badalte hain

    haqaeq sard ho sakte hain sab mehrab-o-mimbar ke

    magar wo KHwab jo rindon ke paimane mein Dhalte hain

    junun ne aalam-e-wahshat mein jo rahen nikali hain

    KHirad ke karwan aaKHir unhi rahon pe chalte hain

    'surur'-e-sada ko yun to lahu rona hi aata hai

    magar is sadgi mein bhi baDe pahlu nikalte hain

    Source:

    Funoon(Jadeed Ghazal Number: Volume-002) (Pg. 88)

    • Author: Ahmad Nadeem Qasmi
      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now