har ek shaKHs ke apne tasawwur aur guman tak hai

Om Prakash Laghar

har ek shaKHs ke apne tasawwur aur guman tak hai

Om Prakash Laghar

MORE BYOm Prakash Laghar

    har ik shaḳhs ke apne tasavvur aur gumāñ tak hai

    kise mālūm hai varna had-e-irfāñ kahāñ tak hai

    hameñ to dekhnā hai himmat-o-jur.at kahāñ tak hai

    hamārī zindagī varna faqat zabt-e-fuġhāñ tak hai

    junūn-e-ishq meñ āh-o-fuġhāñ shikva gila kaisā

    agar hai bhī to vo āḳhir hamāre mehrbāñ tak hai

    junūñ vus.atoñ koī andāza na kar paayā

    rasā.ī aql-e-insāñ faqat sūd-o-ziyāñ tak hai

    qadam chalne se qāsir haiñ añdherī raat hai sar par

    batā de kaash ye koī mujhe chalnā kahāñ tak hai

    kisī bhī āstāñ par ab ḳhudī jaane nahīñ detī

    hamārī iltijā to mālik-e-kaun-o-makāñ tak hai

    hamesha ahl-e-dil vaqt ke dhāre badalte haiñ

    jo buzdil haiñ rasā.ī un bas āh-o-fuġhāñ tak hai

    pas-e-murdan koī bhī naam tak un nahīñ letā

    jo samjhe the hamārā tazkira rahte jahāñ tak hai

    bahār-e-gulsitāñ to hai ḳhudā ke haath ai 'lāġhar'

    bas ik farz-e-nigahbānī nigāh-e-bāġhbāñ tak hai

    har ek shaKHs ke apne tasawwur aur guman tak hai

    kise malum hai warna had-e-irfan kahan tak hai

    hamein to dekhna hai himmat-o-jurat kahan tak hai

    hamari zindagi warna faqat zabt-e-fughan tak hai

    junun-e-ishq mein aah-o-fughan shikwa gila kaisa

    agar hai bhi to wo aaKHir hamare mehrban tak hai

    junun ki wusaton ka koi andaza na kar paya

    rasai aql-e-insan ki faqat sud-o-ziyan tak hai

    qadam chalne se qasir hain andheri raat hai sar par

    bata de kash ye koi mujhe chalna kahan tak hai

    kisi bhi aastan par ab KHudi jaane nahin deti

    hamari iltija to malik-e-kaun-o-makan tak hai

    hamesha ahl-e-dil hi waqt ke dhaare badalte hain

    jo buzdil hain rasai un ki bas aah-o-fughan tak hai

    pas-e-murdan koi bhi nam tak un ka nahin leta

    jo samjhe the hamara tazkira rahte jahan tak hai

    bahaar-e-gulsitan to hai KHuda ke hath ai 'laghar'

    bas ek farz-e-nigahbani nigah-e-baghban tak hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now