har marhala-e-shauq se lahra ke guzar ja

har marhala-e-shauq se lahrā ke guzar jā

āsār-e-talātum hoñ to bal khā ke guzar jā

bahkī huī maḳhmūr ghaTāoñ kī sadā sun

firdaus kī tadbīr ko bahlā ke guzar jā

māyūs haiñ ehsās se uljhī huī rāheñ

paa.el dil-e-majbūr kī chhankā ke guzar jā

yazdān o ahrman kī hikāyāt ke badle

insāñ kī rivāyāt ko dohrā ke guzar jā

kahtī haiñ tujhe mai-kada-e-vaqt kī rāheñ

bigḌī huī taqdīr ko suljhā ke guzar jā

bujhtī hī nahīñ tishnagī-e-dil kisī sūrat

ai abr-e-karam aag hī barsā ke guzar jā

kāñTe jo lageñ haath to kuchh ġham nahīñ 'sāġhar'

kaliyoñ ko har ik gaam pe bikhrā ke guzar jā

har marhala-e-shauq se lahra ke guzar ja

aasar-e-talatum hon to bal kha ke guzar ja

bahki hui maKHmur ghaTaon ki sada sun

firdaus ki tadbir ko bahla ke guzar ja

mayus hain ehsas se uljhi hui rahen

pael dil-e-majbur ki chhanka ke guzar ja

yazdan o ahrman ki hikayat ke badle

insan ki riwayat ko dohra ke guzar ja

kahti hain tujhe mai-kada-e-waqt ki rahen

bigDi hui taqdir ko suljha ke guzar ja

bujhti hi nahin tishnagi-e-dil kisi surat

ai abr-e-karam aag hi barsa ke guzar ja

kanTe jo lagen hath to kuchh gham nahin 'saghar'

kaliyon ko har ek gam pe bikhra ke guzar ja