har qarz-e-safar chuka diya hai
har qarz-e-safar chukā diyā hai
dasht aur nagar milā diyā hai
juz ishq kise milī ye taufīq
jo paayā use gañvā diyā hai
pahle hī bahut thā hijr kā rañj
ab fāsloñ ne baḌhā diyā hai
ābādiyoñ se ga.e ho.uuñ ko
sahrāoñ ne hausla diyā hai
dīvār-ba-dast rāh-rau the
kis ne kise rāsta diyā hai
bachhḌā to tasallī dī hai us ne
kis dhund meñ aa.ina diyā hai
maiñ bujh to gayā huuñ phir bhī mujh meñ
raushan tire naam kā diyā hai
har qarz-e-safar chuka diya hai
dasht aur nagar mila diya hai
juz ishq kise mili ye taufiq
jo paya use ganwa diya hai
pahle hi bahut tha hijr ka ranj
ab faslon ne baDha diya hai
aabaadiyon se gae houn ko
sahraon ne hausla diya hai
diwar-ba-dast rah-rau the
kis ne kise rasta diya hai
bachhDa to tasalli di hai us ne
kis dhund mein aaina diya hai
main bujh to gaya hun phir bhi mujh mein
raushan tere nam ka diya hai
Source:
Akelepan Ki Intiha (Pg. 55)
- Author: Jamal Ehsani
-
- Edition: First
- Publisher: Rekhta Publications
- Year of Publication: 2018
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
