har sans jo aati hai sitamgar qafas mein

har saañs jo aatī hai sitamgār qafas meñ

khīñche hai mirī jaan sar-e-dār qafas meñ

dekhe bhī to kyā apnī masīhā.ī kā anjām

jhāñke bhī to kyā nargis-e-bīmār qafas meñ

atrāf haiñ tāqat ke takabbur kī salāḳheñ

zālim hai ḳhud apnā hī giraftār qafas meñ

par kāTne vaale ko ye mālūm nahīñ hai

rukte haiñ kahīñ azm ke par-dār qafas meñ

ye phuul haiñ ye sabza hai ye bād-e-sabā hai

armān sañjo laa.e haiñ ghar-bār qafas meñ

āzādī bhī hāzir hai to parvāz bhī maujūd

ḳhvāboñ ne lagā rakkhā hai darbār qafas meñ

sayyād hameñ terī ḳhudā.ī bhī thī taslīm

hotā jo tasavvur bhī giraftār qafas meñ

har sans jo aati hai sitamgar qafas mein

khinche hai meri jaan sar-e-dar qafas mein

dekhe bhi to kya apni masihai ka anjam

jhanke bhi to kya nargis-e-bimar qafas mein

atraf hain taqat ke takabbur ki salaKHen

zalim hai KHud apna hi giraftar qafas mein

par kaTne wale ko ye malum nahin hai

rukte hain kahin azm ke par-dar qafas mein

ye phul hain ye sabza hai ye baad-e-saba hai

arman sanjo lae hain ghar-bar qafas mein

aazadi bhi hazir hai to parwaz bhi maujud

KHwabon ne laga rakkha hai darbar qafas mein

sayyaad hamein teri KHudai bhi thi taslim

hota jo tasawwur bhi giraftar qafas mein