har sans ke sath ja raha hun
har saañs ke saath jā rahā huuñ
maiñ tere qarīb aa rahā huuñ
ye dil meñ karāhne lagā kaun
ro ro ke kise rulā rahā huuñ
ab ishq ko be-naqāb kar ke
maiñ husn ko aazmā rahā huuñ
asrār-e-jamāl khul rahe haiñ
hastī kā surāġh pā rahā huuñ
tanhā.i-e-shām-e-ġham ke Dar se
kuchh un se javāb pā rahā huuñ
lazzat-kash-e-ārzū huuñ 'fānī'
dānista fareb khā rahā huuñ
har sans ke sath ja raha hun
main tere qarib aa raha hun
ye dil mein karahne laga kaun
ro ro ke kise rula raha hun
ab ishq ko be-naqab kar ke
main husn ko aazma raha hun
asrar-e-jamal khul rahe hain
hasti ka suragh pa raha hun
tanhai-e-sham-e-gham ke Dar se
kuchh un se jawab pa raha hun
lazzat-kash-e-arzu hun 'fani'
danista fareb kha raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
