har taraf parda-dar-e-zulmat hai
har taraf parda-dār-e-zulmat hai
ik tabassum kī phir zarūrat hai
Thahrī Thahrī hai vaqt kī raftār
ālam-e-ġhaur meñ mashiyyat hai
hai gumāñ kyā yaqīn kā saaya
aur yaqīñ vāhime kī shiddat hai
ishq bhī zindagī kī la.anat thā
aql bhī zindagī kī la.anat hai
ḳhud-numā.ī meñ jo hijāb rahe
tīrgī us kī ik alāmat hai
shor-e-tahsīn-e-nāravā se 'jamīl'
ye ḳhamoshī basā-ġhanīmat hai
har taraf parda-dar-e-zulmat hai
ek tabassum ki phir zarurat hai
Thahri Thahri hai waqt ki raftar
aalam-e-ghaur mein mashiyyat hai
hai guman kya yaqin ka saya
aur yaqin wahime ki shiddat hai
ishq bhi zindagi ki lanat tha
aql bhi zindagi ki lanat hai
KHud-numai mein jo hijab rahe
tirgi us ki ek alamat hai
shor-e-tahsin-e-narawa se 'jamil'
ye KHamoshi basa-ghanimat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
