harif-e-gardish-e-ayyam to bane hue hain
harīf-e-gardish-e-ayyām to bane hue haiñ
vo ā.eñge nahīñ ā.eñge ham saje hue haiñ
baḌā hī ḳhushiyoñ bharā hañstā-bastā ghar hai mirā
isī liye to sabhī qumqume jale hue haiñ
vo ḳhud-pasand hai ḳhud ko hī dekhnā chāhe
so us ke chāroñ taraf aa.ine lage hue haiñ
ye kis hasīñ kī savārī guzarne vaalī hai
jo kā.enāt ke sab rāste saje hue haiñ
mahak rahī hai fazā us badan kī ḳhushbū se
chaman harā-bharā hai phuul bhī khile hue haiñ
maiñ us kī samt meñ ḳhud rāsta banā.ūñgā
vagarna us kī taraf rāste bane hue haiñ
harif-e-gardish-e-ayyam to bane hue hain
wo aaenge nahin aaenge hum saje hue hain
baDa hi KHushiyon bhara hansta-basta ghar hai mera
isi liye to sabhi qumqume jale hue hain
wo KHud-pasand hai KHud ko hi dekhna chahe
so us ke chaaron taraf aaine lage hue hain
ye kis hasin ki sawari guzarne wali hai
jo kaenat ke sab raste saje hue hain
mahak rahi hai faza us badan ki KHushbu se
chaman hara-bhara hai phul bhi khile hue hain
main us ki samt mein KHud rasta banaunga
wagarna us ki taraf raste bane hue hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
