hasrat-e-did rahi did ka KHwahan ho kar

hasrat-e-dīd rahī diid kā ḳhvāhāñ ho kar

dil meñ rahte haiñ magar rahte haiñ armāñ ho kar

vo mire paas haiñ ehsās ye hotā hai zarūr

is qadar duur haiñ nazdīk rag-e-jāñ ho kar

hosh meñ laane kī tadbīr na kar ai nāseh

maiñ ne paayā hai unheñ chāk-e-garebāñ ho kar

ḳhāna-e-dil hai tumhārā tumhīñ rah sakte ho

ġhair ko haq ye nahīñ hai rahe mehmāñ ho kar

dar-e-jānāñ pe pahuñchnā hai to is tarah pahuñch

chāk-dil chāk-jigar chāk-garebāñ ho kar

ruḳh kā shaidā.ī hai mā.il-ba-asīr-e-gesū

kahīñ kāfir na vo ho jaa.e musalmāñ ho kar

taar dāman ke uḌe ishq ko me.arāj milī

zeb-e-gulshan huā gul chāk-garebāñ ho kar

aa gayā hazrat-e-sūfī ke dar-e-daulat par

kyā karūñ ab guhar-o-la.al-ba-dāmāñ ho kar

lazzat-e-ġham pe karūñ rāhat-e-kaunain nisār

koī aa.e na mire dard kā darmāñ ho kar

jab koī apnī haqīqat se judā hotā hai

Thokareñ khātā hai duniyā meñ pareshāñ ho kar

is tarah jalva dikhāte haiñ na maiñ dekh sakūñ

dil meñ rahte haiñ magar aañkh se pinhāñ ho kar

un kā ā.īna huuñ ā.īne meñ hai aks-e-jamāl

kyuuñ na dekheñ vo mujhe ġhaur se hairāñ ho kar

un ke jalvoñ meñ jo kho jā.ūñ to DhūñDo na mujhe

kaun miltā hai kise vāsil-e-jānāñ ho kar

ba.ad-az-marg ināyāt meñ tafrīq na kī

dil meñ tasvīr rahī aap kī ehsāñ ho kar

vaqt aisā bhī paḌā bādiya-paimā.ī meñ

raah meñ gul jo mile ḳhār-ba-dāmāñ ho kar

hasrat-e-did rahi did ka KHwahan ho kar

dil mein rahte hain magar rahte hain arman ho kar

wo mere pas hain ehsas ye hota hai zarur

is qadar dur hain nazdik rag-e-jaan ho kar

hosh mein lane ki tadbir na kar ai naseh

main ne paya hai unhen chaak-e-gareban ho kar

KHana-e-dil hai tumhaara tumhin rah sakte ho

ghair ko haq ye nahin hai rahe mehman ho kar

dar-e-jaanan pe pahunchna hai to is tarah pahunch

chaak-dil chaak-jigar chaak-gareban ho kar

ruKH ka shaidai hai mail-ba-asir-e-gesu

kahin kafir na wo ho jae musalman ho kar

tar daman ke uDe ishq ko mearaj mili

zeb-e-gulshan hua gul chaak-gareban ho kar

aa gaya hazrat-e-sufi ke dar-e-daulat par

kya karun ab guhar-o-lal-ba-daman ho kar

lazzat-e-gham pe karun rahat-e-kaunain nisar

koi aae na mere dard ka darman ho kar

jab koi apni haqiqat se juda hota hai

Thokaren khata hai duniya mein pareshan ho kar

is tarah jalwa dikhate hain na main dekh sakun

dil mein rahte hain magar aankh se pinhan ho kar

un ka aaina hun aaine mein hai aks-e-jamal

kyun na dekhen wo mujhe ghaur se hairan ho kar

un ke jalwon mein jo kho jaun to DhunDo na mujhe

kaun milta hai kise wasil-e-jaanan ho kar

baad-az-marg inayat mein tafriq na ki

dil mein taswir rahi aap ki ehsan ho kar

waqt aisa bhi paDa baadiya-paimai mein

rah mein gul jo mile KHar-ba-daman ho kar