hasrat-e-dil thi kahan ki wo kahan tak pahunche

hasrat-e-dil thī kahāñ kī vo kahāñ tak pahuñche

phir bahāroñ ke tamannā.ī ḳhizāñ tak pahuñche

dasht se ham ko nikālā baḌī be-rahmī se

kyoñ na phir qissa-e-ġham sab kī zabāñ tak pahuñche

tum kisī se bhī milo ham ne kabhī kuchh na kahā

tum falāne se mile aur fulāñ tak pahuñche

aaj bhī sāhib-e-idrāk bahut milte haiñ

aise bhī log haiñ jo dard-e-nihāñ tak pahuñche

kuuch kar jaate haiñ gulshan se kahīñ aisā na ho

haath har phuul kā merī rag-e-jāñ tak pahuñche

shā'irī shauq nahīñ balki zarūrat hai mirī

taaki 'mariyam' kī sadā saare jahāñ tak pahuñche

hasrat-e-dil thi kahan ki wo kahan tak pahunche

phir bahaaron ke tamannai KHizan tak pahunche

dasht se hum ko nikala baDi be-rahmi se

kyon na phir qissa-e-gham sab ki zaban tak pahunche

tum kisi se bhi milo hum ne kabhi kuchh na kaha

tum falane se mile aur fulan tak pahunche

aaj bhi sahib-e-idrak bahut milte hain

aise bhi log hain jo dard-e-nihan tak pahunche

kuch kar jate hain gulshan se kahin aisa na ho

hath har phul ka meri rag-e-jaan tak pahunche

sha'iri shauq nahin balki zarurat hai meri

taki 'mariyam' ki sada sare jahan tak pahunche