hawa ke rang mein duniya pe aashkar hua

havā ke rañg meñ duniyā pe āshkār huā

maiñ qaid-e-jism se niklā to be-kanār huā

sitāre TuuT ke tārīkiyāñ bikher ga.e

ye hadisā bhī safar meñ hazār baar huā

bulandiyoñ pe thā mahv-e-safar huā kī tarah

libās-e-ḳhāk jo pahnā to ḳhāksār huā

lahūluhān huā bahr-o-bar kā har manzar

jo merī raah meñ aayā mirā shikār huā

tamām shahr ne mujrim mujhī ko gardānā

tamām shahr meñ ik maiñ hī sañgsār huā

hawa ke rang mein duniya pe aashkar hua

main qaid-e-jism se nikla to be-kanar hua

sitare TuT ke tarikiyan bikher gae

ye hadisa bhi safar mein hazar bar hua

bulandiyon pe tha mahw-e-safar hua ki tarah

libas-e-KHak jo pahna to KHaksar hua

lahuluhan hua bahr-o-bar ka har manzar

jo meri rah mein aaya mera shikar hua

tamam shahr ne mujrim mujhi ko gardana

tamam shahr mein ek main hi sangsar hua