hawa ki Dor mein TuTe hue tare piroti hai
havā kī Dor meñ TuuTe hue taare pirotī hai
ye tanhā.ī ajab laḌkī hai sannāTe meñ rotī hai
mohabbat meñ lagā rahtā hai andesha judā.ī kā
kisī ke ruuTh jaane se kamī mahsūs hotī hai
ḳhamoshī kī qabā pahne hai mahv-e-guftugū koī
barahna jism tanhā.ī mire pahlū meñ sotī hai
ye āñkheñ roz apne āñsuoñ ke surḳh resham se
nayā kuchh ḳhvāb buntī hai koī sapnā sañjotī hai
lahū meñ tairne lagtā hai jab vo chāñd sā chehrā
havā-e-dard siine meñ koī neza chubhotī hai
ye shahr-e-raftagāñ hai ab yahāñ koī nahīñ aatā
ye kis ke paaoñ kī aahaT mujhe mahsūs hotī hai
burīda-sar paḌā hai kushta-e-ummīd sahrā meñ
udāsī ḳhaak par baiThī huī āñchal bhigotī he
hawa ki Dor mein TuTe hue tare piroti hai
ye tanhai ajab laDki hai sannaTe mein roti hai
mohabbat mein laga rahta hai andesha judai ka
kisi ke ruTh jaane se kami mahsus hoti hai
KHamoshi ki qaba pahne hai mahw-e-guftugu koi
barahna jism tanhai mere pahlu mein soti hai
ye aankhen roz apne aansuon ke surKH resham se
naya kuchh KHwab bunti hai koi sapna sanjoti hai
lahu mein tairne lagta hai jab wo chand sa chehra
hawa-e-dard sine mein koi neza chubhoti hai
ye shahr-e-raftagan hai ab yahan koi nahin aata
ye kis ke paon ki aahaT mujhe mahsus hoti hai
burida-sar paDa hai kushta-e-ummid sahra mein
udasi KHak par baiThi hui aanchal bhigoti he
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
