ہوا میں زہر ہے ہر راستہ غبار میں ہے

ہوا میں زہر ہے ہر راستہ غبار میں ہے

درخت پھر بھی مسافر کے انتظار میں ہے

نہ لطف صلح میں کوئی نہ چھپ کے وار میں ہے

مزہ تو جنگ کا دشمن سے آر پار میں ہے

ابھی میں اس کے غلاموں کی ہوں غلامی میں

یہ کائنات ابھی میرے اختیار میں ہے

اسی لئے ہے نگاہ ستم چمن بیزار

وہ رنگ گل میں نہیں ہے جو ذو الفقار میں ہے

جہاں سے چاہا ستارا فلک سے توڑ لیا

یہ وہ ہنر ہے جو بچپن سے خاکسار میں ہے

چراغ بیچنے والے ہیں سب خسارے میں

کہ فائدہ تو ہواؤں کے کاروبار میں ہے