hawa ne sine mein KHanjar chhupa ke rakkha hai
havā ne siine meñ ḳhanjar chhupā ke rakkhā hai
ye dekhnā hai ki ab vaar kis pe kartā hai
ḳhabar ye aam hai phir bhī ye kaisā parda hai
ki TuuTā aa.ina us ne sambhāl rakkhā hai
zabāñ bhī chup hai fazā par hai ḳhāmushī taarī
hai kis kā ḳhauf tujhe kyuuñ kisī se Dartā hai
tumhāre paañv ke nīche kahīñ zamīñ hī nahīñ
safar kā kar ke tū kaise irāda baiThā hai
huī hai shaam darīchoñ pe chāñd chamke hai
hai kis kā saaya jo shab bhar sisaktā rahtā hai
kahāñ kahāñ na parindoñ ne pañkh phailā.e
magar ye kyā ki kisī shāḳh par Thikānā hai
hawa ne sine mein KHanjar chhupa ke rakkha hai
ye dekhna hai ki ab war kis pe karta hai
KHabar ye aam hai phir bhi ye kaisa parda hai
ki TuTa aaina us ne sambhaal rakkha hai
zaban bhi chup hai faza par hai KHamushi tari
hai kis ka KHauf tujhe kyun kisi se Darta hai
tumhaare panw ke niche kahin zamin hi nahin
safar ka kar ke tu kaise irada baiTha hai
hui hai sham darichon pe chand chamke hai
hai kis ka saya jo shab bhar sisakta rahta hai
kahan kahan na parindon ne pankh phailae
magar ye kya ki kisi shaKH par Thikana hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
