hawadis ham-safar apne talatum ham-inan apna

havādis ham-safar apne talātum ham-ināñ apnā

zamāna luuT saktā hai to luuTe kārvāñ apnā

nasīm-e-sub.h se kyā TūTtā ḳhvāb-e-girāñ apnā

koī nādān bijlī chhū ga.ī hai āshiyāñ apnā

hameñ bhī dekh lo āsār-e-manzil dekhne vaalo

kabhī ham ne bhī dekhā thā ġhubār-e-kārvāñ apnā

mizāj-e-husn par kyā kyā guzartā hai girāñ phir bhī

kisī ko aa hī jaatā hai ḳhayāl-e-nā-gahāñ apnā

azal se kar rahī hai zindagānī tajrabe lekin

zamāna aaj tak samjhā nahīñ suud o ziyāñ apnā

jamāl-e-dost ko paiham bikharnā hai sañvarnā hai

mohabbat ne uThāyā hai abhī parda kahāñ apnā

hamesha sham.a bhaḌkegī sadā paimāna chhalkegā

tirī mahfil meñ ham chhoḌ aa.e haiñ josh-e-bayāñ apnā

hawadis ham-safar apne talatum ham-inan apna

zamana luT sakta hai to luTe karwan apna

nasim-e-subh se kya TuTta KHwab-e-giran apna

koi nadan bijli chhu gai hai aashiyan apna

hamein bhi dekh lo aasar-e-manzil dekhne walo

kabhi hum ne bhi dekha tha ghubar-e-karwan apna

mizaj-e-husn par kya kya guzarta hai giran phir bhi

kisi ko aa hi jata hai KHayal-e-na-gahan apna

azal se kar rahi hai zindagani tajrabe lekin

zamana aaj tak samjha nahin sud o ziyan apna

jamal-e-dost ko paiham bikharna hai sanwarna hai

mohabbat ne uThaya hai abhi parda kahan apna

hamesha shama bhaDkegi sada paimana chhalkega

teri mahfil mein hum chhoD aae hain josh-e-bayan apna