hawaon mein tapish hai lu ka mausam hai
havāoñ meñ tapish hai lū kā mausam hai
tire ruḳhsār meñ jaadū kā mausam hai
sitāre sar jhukā.e phir rahe haiñ ab
sunā hai shahr meñ jugnū kā mausam hai
qalam chhīnā gayā bachchoñ ke hāthoñ se
ye kis ne keh diyā chāqū kā mausam hai
siyāsat hai siyāsat hai siyāsat hai
mohabbat kījiye ḳhush-bū kā mausam hai
havelī par huā aaseb kā qabza
magar mahloñ meñ bhī hū hū kā mausam hai
zarūrī hai ki sāñpoñ kā paḌheñ mantar
ye ab mat dekhiye bichchhū kā mausam hai
hawaon mein tapish hai lu ka mausam hai
tere ruKHsar mein jadu ka mausam hai
sitare sar jhukae phir rahe hain ab
suna hai shahr mein jugnu ka mausam hai
qalam chhina gaya bachchon ke hathon se
ye kis ne keh diya chaqu ka mausam hai
siyasat hai siyasat hai siyasat hai
mohabbat kijiye KHush-bu ka mausam hai
haweli par hua aaseb ka qabza
magar mahlon mein bhi hu hu ka mausam hai
zaruri hai ki sanpon ka paDhen mantar
ye ab mat dekhiye bichchhu ka mausam hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
