aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hijr ke mausam-e-tanhai ke dukh dekhe

Noon Meem Danish

hijr ke mausam-e-tanhai ke dukh dekhe

Noon Meem Danish

MORE BYNoon Meem Danish

    hijr ke mausam-e-tanhā.ī ke dukh dekhe

    ik chehre ke pīchhe kitne dukh dekhe

    ik sannāTā pahroñ ḳhuun rulātā hai

    ik āvāz ḳhātir kaise dukh dekhe

    maiñ bhī apnī zaat meñ tanhā phirtā huuñ

    tum ne bhī be-ḳhvāb rutoñ ke dukh dekhe

    jin bachchoñ ne hañsnā bhī na sīkhā thā

    un bachchoñ ne sab se pahle dukh dekhe

    tum ko dekhā hai to ye mahsūs huā

    kaise murjhāte haiñ chehre dukh dekhe

    ham donoñ ne ik duuje ko jaan liyā

    ham donoñ ne ik duuje ke dukh dekhe

    jis ko jiinā hai duniyā meñ dastūran

    lāzim hai vo sab se pahle dukh dekhe

    ab logoñ ke chehroñ par ye likkhā hai

    in logoñ ne sukh ke badle dukh dekhe

    ham logoñ bachpan kaisā bachpan thā

    ham logoñ ne kaise kaise dukh dekhe

    raat ga.e tak maiñ ne us yādoñ meñ

    jaise sher likhe the vaise dukh dekhe

    'dānish' kaisā karb chhupā.e phirtā hai

    sher kahe rātoñ ko jaage dukh dekhe

    'dānish' ham ne jis rut meñ jiinā sīkhā

    vo rut guzrī sapne TuuTe dukh dekhe

    hijr ke mausam-e-tanhai ke dukh dekhe

    ek chehre ke pichhe kitne dukh dekhe

    ek sannaTa pahron KHun rulata hai

    ek aawaz ki KHatir kaise dukh dekhe

    main bhi apni zat mein tanha phirta hun

    tum ne bhi be-KHwab ruton ke dukh dekhe

    jin bachchon ne hansna bhi na sikha tha

    un bachchon ne sab se pahle dukh dekhe

    tum ko dekha hai to ye mahsus hua

    kaise murjhate hain chehre dukh dekhe

    hum donon ne ek duje ko jaan liya

    hum donon ne ek duje ke dukh dekhe

    jis ko jina hai duniya mein dasturan

    lazim hai wo sab se pahle dukh dekhe

    ab logon ke chehron par ye likkha hai

    in logon ne sukh ke badle dukh dekhe

    hum logon ka bachpan kaisa bachpan tha

    hum logon ne kaise kaise dukh dekhe

    raat gae tak main ne us ki yaadon mein

    jaise sher likhe the waise dukh dekhe

    'danish' kaisa karb chhupae phirta hai

    sher kahe raaton ko jage dukh dekhe

    'danish' hum ne jis rut mein jina sikha

    wo rut guzri sapne TuTe dukh dekhe

    Source:

    (Pg. 64)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now