hisar-e-gham se jo nikle bhi to kidhar aae

hisār-e-ġham se jo nikle bhī to kidhar aa.e

bahut malāl huā lauT ke jo ghar aa.e

dikhā.ī kuchh na de lekin mirī nigāhoñ ko

tire jamāl kā manzar faqat nazar aa.e

tumhāre dar se guzar jā.ūñ aur ḳhabar bhī na ho

mire safar meñ ik aisī bhī rahguzar aa.e

tamām umr maiñ zad meñ rahā huuñ rātoñ kī

mire ḳhudā mire hisse kī ab sahar aa.e

hisar-e-gham se jo nikle bhi to kidhar aae

bahut malal hua lauT ke jo ghar aae

dikhai kuchh na de lekin meri nigahon ko

tere jamal ka manzar faqat nazar aae

tumhaare dar se guzar jaun aur KHabar bhi na ho

mere safar mein ek aisi bhi rahguzar aae

tamam umr main zad mein raha hun raaton ki

mere KHuda mere hisse ki ab sahar aae