ho charag-e-ilm raushan Thik se
ho charāg-e-ilm raushan Thiik se
log vāqif hoñ na.ī taknīk se
ilm se raushan to hai un kā dimāġh
dil ke goshe haiñ magar tārīk se
raa.e us par mat karo qaa.em koī
jānte jis ko nahīñ nazdīk se
martaba kis kā hai kaisā kyā pata
baaz aanā chāhiye taz.hīk se
haath phailānā muqaddar ban na jaa.e
peT bharnā chhoḌ diije bhiik se
juḌ gayā shīsha bharose kā magar
rah ga.e haiñ baal kuchh bārīk se
jis kā maqsad adl o amn o ātishī
dil hai vābasta usī tahrīk se
be-sabab 'rāġhib' taḌap uThtā hai dil
dil ko samjhānā paḌegā Thiik se
ho charag-e-ilm raushan Thik se
log waqif hon nai taknik se
ilm se raushan to hai un ka dimagh
dil ke goshe hain magar tarik se
rae us par mat karo qaem koi
jaante jis ko nahin nazdik se
martaba kis ka hai kaisa kya pata
baz aana chahiye tazhik se
hath phailana muqaddar ban na jae
peT bharna chhoD dije bhik se
juD gaya shisha bharose ka magar
rah gae hain baal kuchh barik se
jis ka maqsad adl o amn o aatishi
dil hai wabasta usi tahrik se
be-sabab 'raghib' taDap uThta hai dil
dil ko samjhana paDega Thik se
Source:
Khayal-e-Chehra (Pg. 86)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
