ho gae ambar-fashan donon-jahan mere liye

ho ga.e ambar-fashāñ donoñ-jahāñ mere liye

muskurāyā gulshan-e-kaun-o-makāñ mere liye

kyā huā maiñ ne jo gaa.e naġhma-e-dār-o-rasan

tum ne ḳhud chheḌā thā sāz-e-imtihāñ mere liye

aañkh bhar aa.ī guloñ ke chaak dāmāñ dekh kar

nashtar-e-ġham hai chaman kī dāstāñ mere liye

ye samajh kar apnī barbādī pe hañstī huuñ mudām

terī duniyā meñ nahīñ shāyad amaañ mere liye

ham-kanār-e-jalva-e-yazdāñ hai merā dil 'kamāl'

kaif-zā haiñ raat kī tanhā.iyāñ mere liye

ho gae ambar-fashan donon-jahan mere liye

muskuraya gulshan-e-kaun-o-makan mere liye

kya hua main ne jo gae naghma-e-dar-o-rasan

tum ne KHud chheDa tha saz-e-imtihan mere liye

aankh bhar aai gulon ke chaak daman dekh kar

nashtar-e-gham hai chaman ki dastan mere liye

ye samajh kar apni barbaadi pe hansti hun mudam

teri duniya mein nahin shayad aman mere liye

ham-kanar-e-jalwa-e-yazdan hai mera dil 'kamal'

kaif-za hain raat ki tanhaiyan mere liye