hon tumko mubarak lal-o-gohar hum le ke ye daulat kya karte

hoñ tum ko mubārak la.al-o-gohar ham le ke ye daulat kyā karte

har shai ko fanā honā hai agar to dhan se mohabbat kyā karte

sad shukr vo the mā.il-ba-karam mar.ūb the ro.ab-e-husn se ham

un se ahvāl-e-dil-e-pur-ġham kahne kī jasārat kyā karte

ham sahte rahe zulm aur jafā ye soch ke muñh se kuchh na kahā

Taltā hai kahīñ qismat kā likhā phir un se shikāyat kyā karte

zāhir meñ karam par maa.il haiñ aadā kī safoñ meñ shāmil haiñ

apne hī hamāre qātil haiñ ġhairoñ se shikāyat kyā karte

kyuuñ Dar se na hotā chehra dhuul shīshe kā hamārā jo thā makāñ

jo sañg-ba-kaf aa.e the yahāñ ham un se baġhāvat kyā karte

ye kaam thā bas tum se mumkin majbūr rahe 'ājiz' har chhan

tum ne to shikāyat kī lekin ham tum se shikāyat kyā karte

hon tum ko mubarak lal-o-gohar hum le ke ye daulat kya karte

har shai ko fana hona hai agar to dhan se mohabbat kya karte

sad shukr wo the mail-ba-karam marub the roab-e-husn se hum

un se ahwal-e-dil-e-pur-gham kahne ki jasarat kya karte

hum sahte rahe zulm aur jafa ye soch ke munh se kuchh na kaha

Talta hai kahin qismat ka likha phir un se shikayat kya karte

zahir mein karam par mail hain aada ki safon mein shamil hain

apne hi hamare qatil hain ghairon se shikayat kya karte

kyun Dar se na hota chehra dhul shishe ka hamara jo tha makan

jo sang-ba-kaf aae the yahan hum un se baghawat kya karte

ye kaam tha bas tum se mumkin majbur rahe 'ajiz' har chhan

tum ne to shikayat ki lekin hum tum se shikayat kya karte