hone ko ab kya dekhiye kya kuchh hai aur kya kuchh nahin
hone ko ab kya dekhiye kya kuchh hai aur kya kuchh nahin
Mohammad Aazam
MORE BYMohammad Aazam
hone ko ab kyā dekhiye kyā kuchh hai aur kyā kuchh nahīñ
manzar abhī hai sāmne vo bhī ki jab thā kuchh nahīñ
us kī hinā par vaar de fil-faur dil kī saltanat
pyāre kisī ke haath meñ tā-der rahtā kuchh nahīñ
mat jaan dil ke sāmne kaafī hai ik chehra tirā
aise añdhere ke liye itnā ujālā kuchh nahīñ
kitne gharauñde ret ke maujeñ bahā kar le ga.iiñ
har baar ik dil ke sivā aise meñ TuuTā kuchh nahīñ
sūrat ko ma.anī ke ta.iiñ darkār hai kuchh fāsla
jab tak thā aage aañkh ke maiñ ne to dekhā kuchh nahīñ
hone ko ab kya dekhiye kya kuchh hai aur kya kuchh nahin
manzar abhi hai samne wo bhi ki jab tha kuchh nahin
us ki hina par war de fil-faur dil ki saltanat
pyare kisi ke hath mein ta-der rahta kuchh nahin
mat jaan dil ke samne kafi hai ek chehra tera
aise andhere ke liye itna ujala kuchh nahin
kitne gharaunde ret ke maujen baha kar le gain
har bar ek dil ke siwa aise mein TuTa kuchh nahin
surat ko mani ke tain darkar hai kuchh fasla
jab tak tha aage aankh ke main ne to dekha kuchh nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
