hosh-zada nadan se Dar

hosh-zada nādān se Dar

baat samajh insān se Dar

tark-e-mohabbat bhī hai fareb

Thahre hue tūfān se Dar

rāh-e-junūñ hai rāh-e-najāt

kufr se bhaag īmān se Dar

dūrī-o-qurbat kuchh bhī nahīñ

ishq meñ itmīnān se Dar

maut bhī itnī talḳh nahīñ

dostoñ ke ehsān se Dar

ek tabassum kam na samajh

āñsuoñ ke tūfān se Dar

hoñTh hañseñ dil ro.e 'ḳhumār'

ishq kī jhūTī shaan se Dar

hosh-zada nadan se Dar

baat samajh insan se Dar

tark-e-mohabbat bhi hai fareb

Thahre hue tufan se Dar

rah-e-junun hai rah-e-najat

kufr se bhag iman se Dar

duri-o-qurbat kuchh bhi nahin

ishq mein itminan se Dar

maut bhi itni talKH nahin

doston ke ehsan se Dar

ek tabassum kam na samajh

aansuon ke tufan se Dar

honTh hansen dil roe 'KHumar'

ishq ki jhuTi shan se Dar