hua jo paiwand main zamin ka to dil hua shad mujh hazin ka

huā jo paivand maiñ zamīñ kā to dil huā shaad mujh hazīñ kā

bas ab irāda nahīñ kahīñ kā ki rahne vaalā huuñ maiñ yahīñ kā

qarīb hai yaaro roz-e-mahshar chhupegā kushtoñ kā ḳhuun kyūñ-kar

jo chup rahegī zabān-e-ḳhanjar lahū pukāregā āstīñ kā

havā-e-mai meñ huuñ mahv aisā chaman meñ ghir kar jo abr aaya

siyah-mastī meñ maiñ ye samjhā jahāz hai āb-e-ātashīñ kā

'amīr' dekhā jo us kā naqsha to naqsha yūsuf kā dil se utrā

ki naqsh-e-sānī ke aage hotā faroġh kyā naqsh-e-avvalīñ kā

hua jo paiwand main zamin ka to dil hua shad mujh hazin ka

bas ab irada nahin kahin ka ki rahne wala hun main yahin ka

qarib hai yaro roz-e-mahshar chhupega kushton ka KHun kyun-kar

jo chup rahegi zaban-e-KHanjar lahu pukarega aastin ka

hawa-e-mai mein hun mahw aisa chaman mein ghir kar jo abr aaya

siyah-masti mein main ye samjha jahaz hai aab-e-atashin ka

'amir' dekha jo us ka naqsha to naqsha yusuf ka dil se utra

ki naqsh-e-sani ke aage hota farogh kya naqsh-e-awwalin ka